რატომ საქართველო

ყოველწლიურად,  საქართველოს ტექნიკურ უნივერსიტეტში  უცხოელი სტუდენტების რიცხვი  მკვეთრად იზრდება. რამდენიმე ათეული წელია  საქართველო, უცხოელებისთვის  სასწავლებლად მიმზიდველი ქვეყანაა. ერთ-ერთი მნიშვნელოვანი და  გადამწყვეტი   ფაქტი, თუ რატომ ირჩევენ უცხოელები  სასწავლებლად საქართველოს,   უსაფრთხო და სტაბილური ქვეყნის სტატუსია.  

მათ სტუ-ის  ადმინისტრაცია ინგლისურ და რუსულენოვან საბაკალავრო და სამაგისტრო სხვადასხვა პროგრამას სთავაზობს. გარდა ამისა, უნივერსიტეტში უცხოელებისთვის მოქმედებს ქართული ენის შემსწავლელი  სპეციალური პროგრამა, რასაც სტუდეტები წარმატებით ეუფლებიან.

უცხოელებისთვის  საქართველოში პროფესიის დაუფლების  სურვილის  ერთ-ერთი  გადამწყვეტი  როლი,  სწავლის დაბალ  საფასურს ენიჭება.  გარდა ამისა,  საერთაშორისო სტუდენტებისთვის  დიდი მნიშვნელობა აქვს სტუ-ის მაღალკვალიფიციურ აკადემიური პერსონალს,  თანამედროვე  ლაბორატორიებს და  სწავლაზე ორიენტირებულ სასწავლო გარემოს.    

 სწავლის პარალელურად, უცხოელი სტუდეტებისთვის საქართველო, გეოგრაფიული მდებარეობით მოგზაურობისთვის  საუცხოო და განსაკუთრებულია. უცხოელებისთვის ასევე მნიშვნელოვანია,  წელიწადის ნებისმიერ დროს საქართველოს  ზომიერი კლიმატი.  ზამთრის სეზონზე  სათხილამურო კურორტების მრავლფეროვნება, ზაფხულში  კი, შავი ზღვის სანაპირო  ზოლი და იუნესკოს მსოფლიოს მემკვიდრეობითი  ძეგლები,  უძველესი მღვიმეები,  უძველესი ისტორია, მრავალფეროვანი კულტურა და ტრადიციები,  ქართული ტრადიციული სამზარეულო და  განსაკუთრებული სტუმართმოყვარეობა.

ჩვენი ქვეყანა, რომელიც ევროპისა და აზიის გზაჯვარედინზე მდებარეობს, უნიკალურობისა და მრავალფეროვნების ერთობლიობაა.  საქართველოს დედაქალაქის სახელს უკავშირდება ბაქო-თბილისი-ჯეიჰანის მილსადენი, რომელიც კასპიის და ხმელთაშუა ზღვებს შორის ნავთობის ტრანსპორტირების პირველი და უმოკლესი მარშრუტია.

საქართველოს ისტორია უძველესია, მსოფლიოში ყველაზე ძველი ჰომინიდური ნაშთები, 1,8 მილიონ წელზე მეტი ხნის, თბილისთან ახლოს მდებარე ქალაქ დმანისში აღმოაჩინეს.

ინფორმაცია თბილისზე

საქართველოს დედაქალაქი თბილისი,  რომელიც მდებარეობს მდინარე მტკვრის ნაპირებზე, დაახლოებით 1,5 მილიონი მოსახლით,  მე-5 საუკუნეში  ძველი იბერიის სამეფოს მონარქის მიერ დაარსდა.  

თბილისის მრავალფეროვანი ისტორია ასახულია მის არქიტექტურაში, რომელიც შუა საუკუნეების, კლასიკური და საბჭოთა შენობების ნაზავია.

ისტორიულად, თბილისში სხვადასხვა კულტურული, ეთნიკური და რელიგიური წარმომავლობის ადამიანები ცხოვრობენ.

 ცნობილი ტურისტული ღირსშესანიშნაობები მოიცავს საკათედრო ტაძრებს, როგორიცაა სამება და სიონი, კლასიკური თავისუფლების მოედანი და რუსთაველის გამზირი, შუა საუკუნეების ნარიყალას ციხე, ნეომავრიტანული ოპერისა და ბალეტის თეატრი და საქართველოს ეროვნული მუზეუმი.

თბილისის კლიმატი ზომიერად ნოტიო სუბტროპიკულია. თბილისში საშუალო წლიური ტემპერატურაა 12.7 გრადუსი. იანვარი ყველაზე ცივი თვეა, რომლის საშუალო ტემპერატურა 0.9 გრადუსია. ივლისი ყველაზე ცხელი თვეა საშუალო ტემპერატურით 24.4 გრადუსს შეადგენს. თოვლი წელიწადში საშუალოდ 15-25 დღე მოდის.

თბილისი უცხოელთათვის  არაერთი  მნიშვნელოვანი  ღირსშესანიშნაობითაც არის მიმზიდველი.  თბილისში მდებარეობს საქართველოს პარლამენტისა და მთავრობის (სახელმწიფო კანცელარია), ასევე საქართველოს უზენაესი სასამართლოს შენობები. ქალაქში ასევე მდებარეობს ისეთი კულტურული ღირსშესანიშნაობები, როგორიცაა საქართველოს ეროვნული მუზეუმი, თბილისის სახელმწიფო კონსერვატორია, თბილისის ოპერისა და ბალეტის თეატრი, შოთა რუსთაველის სახელობის სახელმწიფო აკადემიური თეატრი, მარჯანიშვილის სახელმწიფო აკადემიური თეატრი, სამების საკათედრო ტაძარი, ვორონცოვის სასახლე (დღეს ცნობილი, როგორც ბავშვთა სასახლე), მრავალი სახელმწიფო მუზეუმი, საქართველოს პარლამენტის ეროვნული საჯარო ბიბლიოთეკა, საქართველოს ეროვნული ბანკი და სხვა მნიშვნელოვანი დაწესებულებები.

საბჭოთა პერიოდში თბილისი მუდმივად იყო საბჭოთა კავშირის ოთხ საუკეთესო ქალაქს შორის მუზეუმების რაოდენობის მიხედვით. ქალაქის ისტორიული ღირსშესანიშნაობებიდან გამორჩეულია ნარიყალას ციხე (IV–XVII საუკუნეები), ანჩისხატის ეკლესია (VI საუკუნე, აღდენილი XVI საუკუნეში), სიონის ტაძარი (VIII საუკუნე, მოგვიანებით აღდგენილი), მეტეხის ეკლესია (XIII საუკუნე) და სხვ.