მთავარი    დეპარტამენტი    ისტორია     მუზეუმი     კურსები     მეცნიერება     წიგნები     სწავლება     პრაქტიკა     კონფერენცია

შემფასებელთა სპეციალიზირებული კურსები

 

მოკლევადიანი კურსები

საქართველოს ტექნიკური უნივერსიტეტის მინერალოგიის, პეტროლოგიისა და გეოქიმიის კათედრის ბაზაზე საქართველოს ფინანსთა სამინისტროს სასინჯი ზედამხედველობის ინსპექციასთან ერთად 1999 წელს (ბრძანება #21, 29.03.99) ჩამოყალიბდა ქვეყანაში ერთადერთი სათანადო ლიცენზიის მქონე შემფასებელთა სპეციალიზირებული კურსები(“ძვირფასი ლითონები” და ძვირფასქვიანი საიუველირო ნაწარმი”), რომლებიც თავის საქმიანობას წარმართავს სამეურნეო ანგარიშსა და  თვითდაფინანსების პრინციპით.

კურსების მიზანია:

· ძვირფასი ლითონებისა და ძვირფასი ქვების ბიზნესში დაკავებული იურიდიულ და ფიზიკურ პირებისთვის ექსპერტშემფასებელთა მომზადება;

·        გემოლოგიური მეთოდების ათვისება და დანერგვა დაინტერესებულ უწყებებში, ორგანიზაციებში და კერძო მესაკუთრეებს შორის;

·        ძვირფასი ლითონები და ძვირფასი ქვების გამოყენებით დამზადებული ნაწარმის შეფასება;

·        გემოლოგიის დარგში არსებული ახალი, არასტანდარტული, კონკურენტუნარიანი მეთოდების გაცნობა;

·        ძვირფასი ლითონებისა და ძვირფასი ქვების მსოფლიო საბირჟო, საბითუმო და საცალო ფასების გაცნობა;

კ უ რ ს ი _ “ძვირფასი ლითონები”

• სწავლის ღირებულების სრული თანხა შეადგენს 100 ა.შ.შ დოლარის ექვივალენტს ლარებში. სწავლის ღირებულებაში შედის ბეჭდვითი მეთოდური მასალები და მცირე სასინჯი კომპლექტი;
• კურსის სწავლების ხანგრძლივობა 10 დღე, მათ შორის 3 დღიანი პრაქტიკით;
• კურსი ინტენსიური სწავლებით 3 კვირიანია;

კ უ რ ს ი _ “ძვირფასქვიანი საიუველირო ნაწარმის შეფასება”

• კურსი მოიცავს შემდეგ თემებს: “ბრილიანტების ექსპერტიზა”, “ზურმუხტი”, “ლალი”, “საფირონი”, საიუველირო ნაწარმის შეფასების მეთოდიკა”.
• სწავლის ღირებულების სრული თანხა შეადგენს 500 ა.შ.შ დოლარის ექვივალენტს ლარებში. სწავლების ღირებულებაში შედის ბეჭდვითი მასალები, უახლესი პრეისკურანტები.
• კურსი ინტენსიური სწავლებით 5 კვირიანია.

··  თითოეული კურსი მთავრდება ტესტირებით, რომლის დადებითი შეფასების შემთხვევაში მსმენელები მიიღებენ კანონით გათვალისწინებულ შემფასებლის კვალიფიკაციას და შესაბამის მოწმობას;

·· ამ კურსების გავლა აუცილებელია შეფასებითი სამუშაოებით დაკავებული იურიდიული და ფიზიკური პირებისათვის;

·· საქართველოს ტექნიკური უნივერსიტეტი, როგორც ლიცენზირებული სახელმწიფო უმაღლესი სასწავლებელი განთავისუფლებულია დღგ_სგან;

··    სწავლის ღირებულების გადახდა  (როგორც ნაღდი ისევე უნაღდო ანგარიშწორებით) წარმოებს სტუ_ს ბუღალტერიაში;

··  მსმენელმა უნდა ჩააბაროს საკვალიფიკაციო გამოცდა თეორიულ და პრაქტიკულ ნაწილში. შესაბამისი კვალიფიკაციის მისანიჭებლად მან უნდა შეასრულოს თეორიული ნაწილის ტესტური საკითხების 80%, ხოლო პრაქტიკული ნაწილის 100%;

··  პირველი საკვალიფიკაციო გამოცდის უარყოფითი ქულების შემთხვევაში მსმენელს უფლება ეძლევა გავიდეს ხელმეორედ გამოცდაზე ანაზღაურების გარეშე, ორი კვირის განმავლობაში. ყოველი შემდეგი გასვლა გამოცდაზე ფასიანია და შეადგენს გადასახადის 10%_ს;

ტიხრული მინანქრისა და საიუველირო ხელოვნების სტუდია

თეორიული კურსი

_ ტიხრული მინანქრისა და საიუველირო ხელოვნების ისტორია;

_ მინანქრის მიღების ტექნოლოგია, ძვირფასი ლითონები და მათი შენადნობები;

_ სინჯები და დამღები;

_ საიუველირო ქვები და მათი დამუშავების ფორმები.

პრაქტიკული კურსი

I _ ძვირფასი ლითონების შენადნობების მიღება;

II _ საიუველირო ნაკეთობების დამზადების ტექნიკა და ტექნოლოგიები;

III _ ტიხრების დამზადება;

IV _ მინანქრის ფერის შერჩევა;

V _ მინანქრის დატანა ლითონის ზედაპირზე და გამოწვა;

VI _ საიუველირო ქვების დამუშავება.

ტიხრული მინანქრის და საიუველირო ხელოვნების

სტუდია მოიცავს შემდეგ სპეციალობებს

_ საიუველირო ხელოვნების ისტორია _ ხანგრძლივობა 1-2თვე;

_ მომინანქრება (ტიხრული, ჭრილური, ფერწერული) – ხანგრძლივობა 3-6თვე;

_ საიუველირო საქმე _ ხანგრძლივობა 3-6თვე;

_ საიუველირო ქვების დამუშავება _ ხანგრძლივობა 2-3თვე;

მსმენელებს შეუძლიათ სურვილისამებრ აირჩიონ მხოლოდ ერთი ან რამდენიმე სპეციალობა ერთად, რომელთა დამთავრების და სპეციალური კომისიის დადებითი შეფასების შემთხვევაში მიენიჭებათ ოსტატის კვალიფიკაცია: ტიხრული მინანქრის, საიუველირო საქმის, ან ორივესი ერთად.